Невычарпальнай крыніцай для выхавання дзяцей з’яўляецца малая радзіма, асабліва калі гэта невялікая вёска. Сельская мясцовасць – гэта асаблівы свет, дзе жывуць шчырыя працаўнікі, дзе людзі знаходзяцца надзвычай блізка да сваіх каранёў і гісторыі.
У гэтым упэўнілася сямі класніца Асінаўскага вучэбна-педагагічнага комплексу дзіцячы сад – сярэдняя школа Аліна Андрэенка, калі рыхтавалася да раённага этапу рэспубліканскага інтэрнэт – конкурсу літаратурных работ “Зямля пад белымі крыламі, прысвечанага 90-годдзю У. Караткевіча ў рамках Года малой радзімы”.
Прабабулін куфар… Здаецца, што ў ім такога незвычайнага? Старадаўняя драўляная скрыня, змайстраваная некалі вясковым умельцам. Да пэўнага часу Аліна так і лічыла. Але, прачытаўшы раздзел “Куфар жыцця” з нарыса У. Караткевіча “Зямля пад белымі крыламі”, яна таксама вырашыла зазірнуць у прабабулін куфар, які стаяў у куце хаты.
Прабабуля з вялікім задавальненнем расказала ёй пра рэчы, якія захоўваліся ў скрыні.
Тут і абрусы, і рознакаляровыя дыванкі, і саматканыя посцілкі, і набожнікі, і старыя фотаздымкі.
Убачанае і пачутае натхніла дзяўчынку на напісанае апавядання “Чароўны куфар”; якое было даслана на конкурс.
У выніку, работа Андрэенкі Аліны паспяхова прайшла раённы этап конкурсу і ў абласным этапе атрымала высокую адзнаку журы і Дыплом I ступені ў намінацыі “Лепшы празаічны твор”.
Але галоўнае, на мой погляд, тое, што дзяўчынка ўсвядоміла: яе абавязак – захавать памяць нашчадкаў, ганарыцца продкамі, помніць пра сваю малую радзіму.
Я ўпэўнена, што Аліна некалі абавязкова раскажа пра чароўны прабабулін куфар сваім дзецям, каб не парваць тую тоненькую, але трывалую нітку – невідзімку, што навекі звязвае пакаленні людзей.

Людміла Кузьміна
настаўнік беларускай мовы і літаратуры

Все новости

Комментарии:

Оставлять комментарии могут только авторизованные посетители.

Телефон: +375(2242)7-24-17

Email: osinovka@chausy-roo.by

Электронный журнал в школе